Oqaaserpassualeriffik sunaana?

Oqaaserpassualeriffik Oqaasileriffiup ataani immikkut suliaqarfiuvoq.

Oqaaserpassualeriffiup suliassaatut pingaarneq tassaavoq qarasaasiaq atorlugu kalaallisut oqaasilerissutit tamanut atuuttut ineriartortissallugit piffissallu ingerlanerani oqaasilerinermut sakkut assigiinngitsut tamakkiisumik pigilernissaat anguniassallugu, nutserutit ilanngullugit.

Oqaaserpassualeriffiup massakkorpiaq kalaallisuumit qallunaatuumut, kiisalu qallunaatuumit kalaallisuumut nutserusiorneq ingerlappaa.
Nutserusiorneq 2017-ip aallartinnerani Namminersorlutik Oqartussanit ukiut tallimat ingerlanneqartussatut aningaasaliiffigineqarpoq.

Nutserusiaq 2021-p naanerani tamanut atorneqarsinnaanngorlugu Oqaasileriffiup nittartagaani saqqummiunneqartussaavoq.

Annertunerusumik nutserusiaq pillugu paasisaqarnerorusukkuit uunga quppernermukarit: Kalaallisuumit qallunaatuumut killormullu nutserusiorneq